Көктем кереметі – гүл әлемі

“Балапан” ортаңғы тобы

Балабақшамыздың кішкентай бүлдіршіндері көктем мезгілінің ерекшеліктерімен танысты.

Іс-әрекет барысында балалар көктемде табиғаттың жаңарып, гүлдердің бүршік жарып ашатыны туралы түсінік алды. Сонымен қатар, бүлдіршіндер зерттеу жұмысын жасап, гүлді суға салып, оның уақыт өте келе қалай ашылатынын бақылап көрді.

7 мамыр – Отан қорғаушылар күні

Балабақшамызда Отан қорғаушылар күніне арналған тағылымы мол мерекелік іс-шара өткізілді.

Іс-шараның басты мақсаты – жас ұрпақтың бойына елге, жерге деген сүйіспеншілік пен патриоттық сезімді қалыптастыру, Отанды құрметтеуге тәрбиелеу, болашақ ел қорғаны болатын ұл балаларға жігер беру.

Мереке барысында тәрбиеленушілер ән айтып, тақпақтар оқып, саптық жаттығулар мен қызықты ойындарға белсене қатысты. Балалардың батылдыққа, ұйымшылдыққа, ептілікке деген қызығушылығы артып, мерекелік көңіл-күй сыйлады.

Ойын арқылы баланы дамыту пайдасы

“Айгөлек” кіші тобы.

Түрлі түсті ұсақ шариктерді, қағаздан шариктер жасап қасықпен алып, түстері бойынша бөлек ыдыстарға салу.

Моторикамен қатар ойлау қабілеті де дамиды. Пайдалы кеңестер Қасықтың сабы қысқа әрі жеңіл болғаны дұрыс.

Баланың қолын күштемей, мақтап отыру маңызды. Ойын уақыты 5–10 минуттан басталғаны жақсы.

1 Мамыр, достық күніне арналған ертеңгілік

"Көгершін" мектепалды тобы

Мақсаты: балалардың бірлік, ынтымақтастық туралы түсініктерін кеңейтіп, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.

Ересек топтарында «Су – тіршілік көзі» тақырыбында танымдық іс-шара

Іс-шараның мақсаты – балаларға судың адам өміріндегі маңызын түсіндіру, оны босқа ағызбай, үнемдеп қолдануға үйрету.

Тәрбие барысында бүлдіршіндер су туралы қызықты мәліметтермен танысып, тәжірибелер жасап, ойындар ойнады. Сонымен қатар, суды қорғау, табиғатты аялау туралы өз ойларымен бөлісіп, пайдалы әдеттерді үйренді.

Халықаралық бірлік күніне орай мерекелік ертеңгілік

«Ботақан» ортаңғы тобында

Мерекелік шара барысында бүлдіршіндер әртүрлі ұлт өкілдерінің достығы мен татулығын бейнелейтін әндер айтып, би билеп, тақпақтар оқыды. Балалар ұлттық киімдер киіп, түрлі халықтардың мәдениетін таныстырып, бірлік пен ынтымақтың маңызын көрсете білді.

logo
Мекен-жай: Астана қ., М.Габдуллина к., 8.
Байланыс:
+7 (7172) 44‒09‒08 қабылдау
+7 (7172) 44‒09‒10 меңгеруші

Бізді әлеуметтік желілерде бақылаңыз

Publish modules to the "offcanvs" position.