“КӨҢІЛДІ ЖАЗ” республикалық байқауы

Жаз – балалық шақтың ең жарқын, ең қуанышты мезгілі! Біздің балабақшада жазғы сауықтыру кезеңі «Жазғы ғажайыптар экспедициясы» креативті тұжырымдамасы негізінде ұйымдастырылуда.

«Әр күн – жаңа жаңалық, әр бала – кішкентай зерттеуші!» ұранымен балалар үшін әр күн қызықты саяхатқа айналды. Жазғы сауықтыру жұмыстары барысында балалардың денсаулығын нығайтуға, қимыл-қозғалыс белсенділігін арттыруға, зерттеушілік, шығармашылық, танымдық және коммуникативтік қабілеттерін дамытуға ерекше көңіл бөлінуде.

“Тіл- ұлттың қазынасы”

Мақсаты:

- қазақ тілінде дұрыс әрі еркін сөйлеуге ынталандыру;

- балалардың тілдік белсенділігін және сөздік қорын дамыту;

- ана тіліне деген сүйіспеншілік пен құрмет қалыптастыру;

- қазақ халқының салт-дәстүрі мен ұлттық өнерін таныту;

- әже мен бала арасындағы сабақтастықты нығайту;

Қазақстан халқы тілдері күніне орай

Қазақстан халқы тілдері күніне орай №46 «Самал» санаториялық балабақшасында «Тіл – татулықтың тірегі» тақырыбында мерекелік іс-шара ұйымдастырылды.

Іс-шара барысында бүлдіршіндер ана тіліміздің қадір-қасиеті туралы түсініктерін кеңейтіп, қазақ халқының салт-дәстүрлері мен ұлттық құндылықтарын танысты. Балалар тақпақ айтып, ән шырқап, ұлттық ойындарға белсене қатысты.

Тіл – халықтың тарихын, мәдениетін, салт-дәстүрін ұрпақтан ұрпаққа жеткізетін асыл мұра. Ана тілін құрметтеу – елді, жерді, Отанды құрметтеу.

БІЛІМ КҮНІ – БАЛАЛЫҚТЫҢ ЖАРҚЫН БАСТАУЫ!

1 қыркүйек – Білім күніне орай №46 «Самал» санаториялық балабақшасында тәрбиеленушілерге көтеріңкі көңіл-күй сыйлаған мерекелік іс-шара ұйымдастырылды.

Шара барысында бүлдіршіндер білімнің, достықтың және балабақшадағы қызықты күндердің маңыздылығы туралы түсініктерін кеңейтіп, түрлі ойындар мен қызықты тапсырмаларға белсене қатысты. Әсем әндер шырқалып, көңілді билер орындалып, балалардың жүзінен қуаныш пен шаттық көрінді.

Мерекелік шараның басты мақсаты – балалардың білімге деген қызығушылығын арттыру, балабақшаға деген сүйіспеншілігін қалыптастыру және жаңа оқу жылын көтеріңкі көңіл-күймен бастауға жағдай жасау.

1 қыркүйек «Білім күні»

"Арай" ортаңғы тобы

Балаларға 1-қыркуйек күні - білім күні жайында түсінік беру. Өз туған елдеріне, жерлеріне, балабақшасына сүйіспеншілікке тәрбиелеу.

Абай Құнанбайұлының туған күні – халқымыз үшін қастерлі күн!

Қазақтың ұлы ойшылы, кемеңгер ақын, ағартушы Абай Құнанбайұлының туған күні – халқымыз үшін қастерлі күн.

Абайдың асыл мұрасы – ұлт руханиятының сарқылмас қазынасы. Оның өлеңдері мен қара сөздері адамды білімге, еңбекке, ізгілікке, адамгершілікке үндейді. Абайдың «Толық адам» идеясы мен тағылымды ойлары бүгінгі ұрпақ үшін де өз маңызын жоғалтқан жоқ. Ұлы ақынның өнегелі мұрасы ұрпақтан-ұрпаққа жалғасып, халқымыздың рухани темірқазығына айнала берсін! 

Ұлт жүрегінен мәңгілік орын алған ұлы композиторы

Қазақ музыкасының биік шыңына көтеріліп, ұлт жүрегінен мәңгілік орын алған ұлы композитор, сырлы саздың саңлағы — Шәмші Қалдаяқовтың туған күніне орай №46 «Самал» балабақшасы ұжымы дара тұлғаның өнеріне тағзым етеді.Шәмшінің әрбір әні —жүрекке жылу сыйлаған,сағынышты тербеткен,махаббатты әспеттеген қазақтың қымбат қазынасы. «Әннің Шәмшісі» атанған ұлы композитордың әуезді әндері халқымыздың жүрегінде мәңгі жаңғырып, ұрпақтан-ұрпаққа жалғаса берсін!

logo
Мекен-жай: Астана қ., М.Габдуллина к., 8.
Байланыс:
+7 (7172) 44‒09‒08 қабылдау
+7 (7172) 44‒09‒10 меңгеруші

Бізді әлеуметтік желілерде бақылаңыз

Publish modules to the "offcanvs" position.